සීගිරියේ ජල උද්‍යාන තාක්ෂණය

 

Forest of Knives, Madagascar

පිහි වනාන්තරය, මැඩගස්කරය
 

මැඩගස්කරයේ විවිධ භූ දර්ශන  විවිධ ආශ්චර්යයන් අතර පිහි වනාන්තරය ඇත. මෙම පිහි මොනවාදැයි ඔබ කල්පනා කරන්නේ නම්, ඒවා හුණුගල් නිර්මාණයන් වේ.

මැඩගස්කරයේ බටහිර වෙරළ තීරයේ පිහිටා ඇති Forest of Knives ආසන්න වශයෙන් වසර මිලියන 200කට අධික නිවර්තන වර්ෂාපතන ඛාදනයන්හි ප්‍රතිඵලයකි. අධික වර්ෂාපතනයෙන් භූගත ජලය සිදුරු සහිත හුණුගල්වලට ඇතුළු වී අවසානයේ ගුහා සහ උමං නිර්මාණය වූ බව විශ්වාස කෙරේ. නමුත් මෙම උමං සහ ගුහාවල  ඉහළ කඩා වැටෙන විට අද පවතින විදහා දැක්වෙන යෝධ කුළුණු මතුව ඇත.

මෙම වනාන්තර  ඉහළට විහිදෙන තියුණු, පිහි වැනි සංයුතීන්ගේ නිවහන වන අතර තියුණු යෝධ කුළුණු හේතුවෙන් ලෝකයේ  සංචාරය කරන ප්‍රදේශවලින් එකකි. වනාන්තර සශ්‍රීක හරිත ආවරණයකින් යුක්ත වන අතර, පිහි වනාන්තරය සංලක්ෂිත වන්නේ කොරිඩෝ, තෙතමනය සහිත ගුහා සහ බිම ඇති වංකගිරියෙනි. පිහි මස් පහසුවෙන් ඉරා දැමීමට තරම් තියුණු වන අතර, එම ස්ථානය සියල්ලන්ටම ළඟා විය නොහැක. ග්‍රහලෝකයේ ඇති භයානකම ස්ථාන අතරින් එකක් වන Forest of Knives ලෝකයේ විශාලතම භූගත ගුහා පද්ධතිය ඇති වනාන්තරය බව ඇස්තමේන්තු කර ඇත. වනාන්තරය තුළට සංචරනය කිරීම සංකීර්ණ වන අතර, තද පල්ලම් සහිත ස්ථාන ඇත.

මෙහි ගවේෂණය නොකළ ගුහා පද්ධති වෘක්ෂලතාදියකින් සැතපුම් ගණනක් විහිදේ. වනජීවීන් ගැන කතා කරන විට ඇතැම් මකුළුවන්, කටුස්සන්, සර්පයන්, කුරුල්ලන් විශේෂ මෙහි කටුක තත්වයන්ට අනුවර්තනය වී පවතිනු දැකීම පුදුමයට කරුණකි. මෙහි ආවේණික ශාක හා සත්ත්ව විශේෂ සමහරක් හුණුගල් වලින් සෑදී ඇති දැඩි බෑවුම් වලට ඇලී සිටිනු ද දක්නට ලැබේ.

බොහෝ දුරට වනාන්තරය ගවේෂණයට ලක් නොවී පැවතුනද, Tsingy de Bemaraha යුනෙස්කෝ ලෝක උරුම අඩවියක් වන අතර ජාතික වනෝද්‍යානය මෙන්ම යාබද ස්වභාව රක්ෂිතයෙන්ද සමන්විත වේ. 

සටහන 

චමෝදා නෙත්මිණී අභයරත්න 

https://www.outlooktraveller.com/explore/nature/did-you-know-about-the-forest-of-knives

චායාරූප අන්තර්ජාලය ඇසුරිනි