නීති විරෝධී වනජීවි වෙළෙඳාම

-

 

නීති විරෝධී වනජීවි

 වෙළෙඳාම 


නීත්‍යානුකූල  වනජීවී වෙළෙඳාම ජන සමාජවලට අවශ්‍ය නමුත් නීති විරෝධී වනජීවි වෙළෙඳාම සාපරාධී ලෙස සහ ජාවාරම් ලෙස සිදුවන බැවින් ඉන් ස්වභාවික යහපැවැත්මට කරන අයහපත් බලපෑම ඉතා විශාලය . තිරසාර නොවන ලෙස සිදුවන සොබා සම්පත් භාවිතය නූතන ලෝකයේ හමුවේ ප්‍රබල අභියෝගයක්ව පවතින අතර එය මිහිමඩලේ ස්වභාවිකව පැවැත්ම (earth natural system ) අන්තරාදායක තත්ත්වයකට පත්වීමට හේතු වියහැකි බැවින් තීරණාත්මක අවස්තාවකට එන්න පෙර සොබා සම්පත් සුරකමින් මිහිමත ජීව පැවැත්ම සහතික කර ගැනීමට ලෝක ප්‍රජාවට සිදුව තිබේ.

මානව ඉතිහාසය ආරම්භයේ සිට අද දක්වාම මනුෂ්‍යයාට අමිල සේවාවක් සිදුකරන ස්වභාවික ප්‍රාග්ධන විශේෂයක් වන වන සම්පත මෙන්ම වන ජීවින් විවිධාකාර මනුෂ්‍ය ක්‍රියාකාරකම් හේතුවෙන් විනාශයට පත් වීම සීග්‍රයෙන්සිදුවේ . නීති විරෝධී වනජීවි වෙළෙඳාම හේතුවෙන් අලීන් , කොටීන් , රයිනෝ , මුහුදු කැස්බෑවන් , ගෝරිල්ලන් , පැන්ගෝලියන් , හෙල්මටඩ් හෝන්බිල් ආදි වශයෙන් හා තවත් විශාල ප්‍රමාණයක් අප්‍රසිද්ධ වන ජීවින් විනාශ වන අතර මේ ආකාරයට දිගින් දිගටම පැවතියහොත් එම සතුන් මිහිමතින් තුරන්වෙමින් සිදුවන ජෛව විවිධත්වය විනාශය හරහා හරහා මිහිමත යහපැවැත්මට තර්ජනයක් සිදුවෙමින් පවති.
වන සම්පත් මගින් මනුෂ්‍ය ජීවිතයට අවශ්‍ය පිරිසිදු වාතය , ආහාර , පළතුරු , දැව , ඉන්ධන , ගොඩනැගිලි ද්‍රව්‍ය , ඖෂධ , රෙදි , සම් වර්ග ආදි අනේකවිධ දේ සැපයෙන අතර සුඛෝපභෝගී මාදිලියේ විලාසිතා හා විනෝදාංශ සදහා මෙන්ම ජන සමාජවල සංස්කෘතිකාංග සදහා ඇත්දළ , ගජමුතු , මුතු , අං තට්ටු , කැස්බෑ කටු , කොටි හම් ආදී සත්ත්ව ශරීරාංග බහුලව යොදා ගනු ලැබේ . සමස්තයක් ලෙස වනජීවි සම්පත් මගින් පාරිසරික ජානමය , සමාජ , ආර්ථික , ව්ද්‍යාත්මක , සංස්කෘතික , සෞන්දර්යාත්මක සහ විනෝදාත්මක ප්‍රතිලාභ ලැබේ .
මධ්‍යම හා නැගෙනහිර අප්‍රිකානු රටවල ඝාතන කල්ලි විසින් වනජීවි දඩයම සිදුකරන අතර සිය වෙළෙඳාම චීනය , වියට්නාමය , මැලේසියාව , සිංගප්පූරුව , හොංකොං ඇතුලු නැගෙනහිර ආසියාව කේන්ද්‍ර කරගනිමින් ඇමරිකා එක්සත් ජනපදය හා බටහිර යුරෝපය දක්වා ව්‍යාප්ත වේ.
කොවිඩ් 19 හෙවත් නව කොරෝනා වෛරසය හේතුවෙන් චීනය ඇතුලු රටවල් බොහොමයක් මේ වන විට මස් පිණිස දඩයම් කරනු ලබන වනජීවින් ප්‍රමාණය පහත බැස තිබේ. 2020 ආරම්භයේ නීති විරෝධී වන සත්ත්ව දඩයම මෙන්ම ජාවාරම ද සැලකිය යුතු පහළ ගොස් ඇත.
සාපරාධී මේ මිනිස් ක්‍රියාකාරකම්වලට එරෙහිව සොබාදහම නැගිසිටින දිනය වැඩී ඈතක නොවේ.නමුත් අප සැමගෙ යුතුකමක් වන්නේ මිහිමත සිදුවන සත්ත්ව හිංසනය ,වනජීවි සම්පත් නීති විරෝධී ලෙස අලෙවි කිරීමට එරෙහිවීමත් අහිංසක සතුන් මිනිසාගේ අවශ්‍යතා වෙනුවෙන් අමානුෂික ලෙස මරා දැමීම වැනි අපරාධ වෙනුවෙන් නැගී සිටිමත් ය.
සටහන
නෙත්මිණී අභයරත්න













Comments

Post a Comment

Popular posts from this blog

සීගිරියේ ජල උද්‍යාන තාක්ෂණය

-
Image
 සීගිරියේ ජල උද්‍යාන තාක්ෂණය  සීගිරිය වනාහී අභිරහස් ගණනාවක් සගවාගෙන සිටින ආශ්චර්යමත් ගල් තලාවකි . සීගිරියේ ඇති ජල උද්‍යානය ඉතා සුවිශේෂී වේ. එහි ප්‍රධාන දොරටු සාදා  තිබෙන්නෙ කෙලින්ම ඉහළට ඔසවන විදිහට. සීගිරියේ ජල උද්‍යානය සාදා ඇත්තේ එයට ඇතුල්වෙන කෙනෙකු එක්වරම මං මුලාවට පත්වෙන ලෙසය.  ප්‍රධාන දොරටුවෙන් ඇතුල් වී යනවිට එක් හරියකදී සීගිරි ගල නොපෙනී යයි. සතුරු සේනාවක් වුවත් මංමුලා වන ලෙස මෙම උද්‍යාන අතර මාර්ගය සාදා තිබේ.  සීගිරියේ ජල උද්‍යානයේ ඇති වතුරමල් අදටත් වැඩ කරයි. නමුත් ජලය පැමෙන්නේ ඉතා ස්වල්පයකි. එයට හේතුව සීගිරියේ වැවේ ජල මට්ටම ඉතා අඩු වීමයි. අතීතයේදී සීගිරියේ ජල උද්‍යානයට ඉහලින් සීගිරි වැවේ ජල මට්ටම පිහිටා තිබුනී. එයින් අතීතයේ සීගිරියට සතුරන්ගෙන් ආරක්ෂා වීමට හැකිවිය . මේනිසා ඉතා විශාල ජල පීඩනයක් යටතේ මේ වතුර මල් බොහෝ ඉහළට විහිදී ඇත. නමුත් පසු කාලීනව සීගිරිය අවට ප්‍රදේශය සංචාරක කලාපයක් ලෙස සංවර්ධනය වීමට පටන් ගත් පසු සීගිරිය වැව ගොඩවිය . Sigiriya village වැනි සුපිරි හෝටල් අද පිහිටා තිබෙන්නෙ සීගිරිය වැව තිබුන ස්ථානයේ ය. අද වනවිට සීගිරිය වැව දිය සිදී ගිය නමට පමණක් සීමාවු වැවකි. මේනිසා උද
Read more

වලාකුළු

-
Image
  වලාකුළු  වලාකුළු යනු පෘථිවි වායුගෝලයේ ඇති කුඩා ජල බිදිති හෝ අයිස් ස්ඵටික සමුච්චය වීමය. වලාකුළු වල ප්‍රමාණ, හැඩය සහ  වර්ණය බොහෝ සෙයින් වෙනස් ය. ඒවා සිහින් සහ හැපෙනසුළු හෝ විශාල හා ගැටිති ලෙස පෙනිය හැකිය. වලාකුළු සාමාන්‍යයෙන් සුදු පැහැයක් ගන්නා බැවින් ඒවායේ ඇති කුඩා  ජල බිදිති තදින් ඇසුරුම් කර ඇති අතර ඒවාට හිරු එළිය බලපාන බව බොහෝ දුරට පිළිබිඹු වේ. සුදු  යනු හිරු එළියේ  සියලුම තරංග ආයාම එකට මිශ්‍ර වී ඇති බව අපේ ඇස් විසින් වටහා ගන්නා ආකාරයයි. වැසි ඇද හැලෙන විට වලාකුළු අදුරු වන්නේ ජල වාෂ්ප වැහි බිදු වලට එකතු වී ජල බිදිති අතර විශාල ඉඩක් ඉතිරි වන බැවිනි. අඩු ආලෝකය පරාවර්තනය වේ. වැසි වලාකුළ  කළු හෝ අළු  පැහැයක් ගනී. වාතය සංතෘප්ත වූ විට හෝ ජල වාෂ්පයෙන් පිරුණු විට වලාකුළු සෑදේ. උණුසුම්  වාතය සීතල වාතයට වඩා වැඩි ජල වාෂ්ප ප්‍රමාණයක් රදවා තබා ගත හැකි බැවින් වායු ස්කන්ධයක උෂ්ණත්වය අඩු කිරීම ස්පොන්ජියක් මිරිකීම හා සමානයි. වලාකුළු යනු සිසිල් , තෙතමනය සහිත වාතය මිරිකීමෙන් පෙනෙන ප්‍රතිඵලයයි. සුළු  සිසිලයකින් පමණක්  තෙතමනය සහිත වාතය වලාකුළු සහිත වේ. තවදුරටත් සිසිලනය වීමත් වලාකුළ සෑදෙන ජලය හෝ අයිස් අංශු
Read more

පෘථිවියේ පෙනහලු ඇමසන් වැසි වනාන්තරය

-
Image
  පෘථිවියේ පෙනහලු  ඇමසන් වැසි  වනාන්තරය  ඇමසන් වැසි වනාන්තරය පෘතුවියේ හරිත කළාලයයි.  මෙම වනාන්තරය පෘථිවිය මත ශේෂව ඇති නිවර්තන වැසි වනාන්තර වල විශාලත්වයෙන් හරි අඩකට හිමිකම් කියයි. පෘථිවියේ පෙනහලු ලෙසින් ඇමසන් වැසි වනාන්තරය නම් කරයි.  එහි විශාලත්වය වර්ග කිලෝමීටර  මිලියන 6.9ක් ලෙස  සැලකෙනවා . එමෙන්ම ලොව වැඩිම ජල ඝනත්වයක් ඇති ගග වන ඇමසන් මෙය හරහා ගලා යන අතර , අතු ගංගා 1100කින් සමන්විත එහි ගංගා 17ක් සැතපුම් 1000කට වඩා  දිගකින් යුතු ඒවා වෙනවා . ජල මට්ටම ඉහළදිනවලදී ඇමසන් ගග දිනකට ජලය කියුබ් බිලියන 500ක් පමණ අත්ලාන්තික් සාගරයට මුදාහරිනවා.  ශාක විශේෂ  වර්තමානයේ වාර්තාගත ශාක වර්ග වලින් 2/3කට නිවහන වන්නේ ඇමසන් වනාන්තරයයි. ඇමසන් නදියේ බටහිර නිම්නය සැලකෙන්නේ ජෛව විවිධත්වයෙන් ඉහළම ස්ථානය ලෙසයි. ඇමසන් භූමියේ එක හෙක්ටයාරයක් තුළ විවිධ වර්ගයන්ට අයත් ශාක වර්ග 40ක් - 100ක් අතර ප්‍රමාණයක් දක්නට ලැබේ. ඇමසන් වනයේ වාර්තාගත ශාක වර්ග ප්‍රමාණය 80,000ක් ඉන් ශාක වර්ග 40000ක්ම සැලකෙන්නෙ ගෝලීය දේශගුණය පාලනය කිරීමට හා ජල චක්‍රය ස්ථායිව පවත්වාගෙන යාමට උපකාරී වන ශාක වර්ග ලෙසය. එමෙන්ම කාර්මීකරණය සමග වායුගෝලයට එකතුවන අධි
Read more